最近ckm001跟笈sir都講到 "風險", 在下也想湊個熱鬧. 以前, 筆者傾向相信, 要建立一個投資組合, 甚至該組合要有股票, 債券, 房地產等等以降低所謂的非系統性風險.

但最近, 我越來越buy徐潤民果套 "風險在於你買左d乜". 簡單講句, 如果你覺得一間公司會執笠的機會近乎零, 其股票的穩陣程度不會比債券差. 既然如此, 何必花精神研究債券? 反正債券也可以賴帳, 而且, 如西格爾話, 債券長線跑輸股票.

所以, 投資簡簡單單買下股票都可以發達, 一辦精便成, 吾駛搞甘多乜輪乜證. 至於 "投資股票" 的風險便在於你買左間乜公司, 如果間公司正正經經做生意, 風險咪細d; 如果間公司不務正業, 炒來炒去, 風險咪大d. 筆者相信國泰, 中信泰富並非不務正業, 可能業務上有需要, 之但係最終都輸在衍生工具手上, 所以少掂為妙.

至於點分散週期性的風險, 方法仲簡單, cash is king. 經歷金融海嘯後, 相信債券都吾係想像中甘穩陣, 前果排新興歐洲d債券一日有間公司賴帳, 連加州都傳過可能破產, 我念還是簡簡單單渣cash免得煩惱.

筆者再加多一條以減低投資股票的風險, 就係買得好夠平, 好像工行建行, 筆者估斷佢幾年內都吾會執笠, 如果你$3買入, 真係念吾到有乜風險. 筆者都覺得笨左, 點解果時吾買....
筆者一個月前以$5.79買入建行, A股果邊跌左甘多, 但939今日收$5.78, 只蝕了1仙. 相反, 當時買941就衝動左, 1年前今日以$86.5買入, 雖然返過家鄉, 但現在又要坐艇. 相必是當時忍吾住手, 買貴左. 正如趙丹陽講, "平便是抵禦一切風險的法寶"

筆者也無寫BLOG一排, 因為近排個巿很悶. 但最近的調整終於像點樣了, 筆者亦正緊切留意住好幾隻股票. 優先考慮是941, 之前講過如果見到$70, 會補一注. 因為到時10倍p/e咪仲抵過公用股? 而且我吾覺得其餘果兩間電訊商好得過941, 佢地中期業績咪又係要倒退! 中聯通仲慘, iphone 成本甘高(RMB2,000一部, 合共100億人民幣) 中聯通上半年才賺RMB66億, 用100億買iphone咪即係要白做半年?

其次是939跟1398, 筆者覺得1398較優勝, 如果跌返3-4毫就更值得買.

A50都在觀察名單中, 但A股P/E高, 相對吾抵玩, 筆者是睇好一兩年後的上海, 才買A50, 如果A50見$11, 也許會安全點.

最後還有一隻思捷, 筆者對這支股票有偏見, 一直都無留意, 因為自己從不入思捷買衫, 所以無信心, 但如果思捷見$40, 值得開FILE研究下佢盤數, 但未必會買.

後記:-

調整心情後, 現在可以做的只有等同埋準備好銀彈, 現在也是訓練忍手的好時機, 不到一個吸引的價錢, 應要忍一忍手.

另外, 筆者覺得自己都好 "燈", 次次出親來講話自己個組合就返到家鄉, 個巿就仆返落去, 硬係吾比我開番支紅酒慶祝下. 各位也許可以我為參考, 每當我出來認叻, 個巿就會回...哈!

不過, 如果客觀點看, 20,000點; 18,000點是當時撈低入巿位, 筆者當時也在, 24,000, 20,000, 18,000點左右分左三段入巿, 之後銀彈用盡, 便開始月供計劃, 但對比起個三段用的錢而言是較少.

簡單而言, 筆者覺得20,000是一個嚴重的蟹貨區, 所以要一段時間等股票從猶疑的投資者轉入固執的投資者手上. 下一個蟹貨區是24,000. 相信又要等一段時間才可衝破.

還有一點想提, 之前講過科斯托蘭尼的人與狗理論, 似乎真係work, 這便可充份解釋為何前果排經濟仲係低迷, 但個巿可以升得甘急; 而現在經濟有番d起色, 中美d數據都算好番d, 但個巿吾上, A股仲急瀉! 無他, 因為之前股巿跑得太快, 現在咪要回一回, 無必現想得太多. 只要經濟一直向上, 股巿長遠看漲!

繼續等吧! 共勉之!