前兩日寫果篇<<跛腳馬 - HSBC>>, 因為寫得太急, 現在補充幾句.

HSBC:- 

2007年, HSBC的EPS是US$1.65, 如今是US$0.34 (~20% only).
2007年, HSBC的股價是HK$130-140, 20%便是HK$27-29...有夠嚇人吧!

換個角度看看, HSBC的除稅前盈利是US$71億左右, HSBC標榜自己因為受北美的商譽減值影響, 如撇除, 稅前盈利可達US$133億. 但, 2007年的稅前盈利是US$242億...(即09年的稅前盈利只有07年的55%) 以此推算, HSBC的股價應該只有HK$71-77左右...

再換個角度, 假設HSBC本年的EPS可番一番, 至US$0.68, (~HK$5.3) 比番15X P/E 佢, 也許HSBC都值HK$79.5. 但, 要求神拜佛HSBC於中東及歐洲的資產吾好出事, 否則, 又好似剛出業績甘, 令人跌哂眼鏡! (大家吾好忘記, 未出業績前, 我地都對HSBC充滿期望, 2010年都可以係2009的翻版)

HSBC歸咎業績甘差, 是因為會計制度, 財務資產價值要重估, 結果要減值以反映公允值...Cher~~間間銀行都要重估ga la, 由吾見內銀股甘屎波? 連渣打出來盤數都靚過HSBC.

而且, 可以看到的是, operating cash flow(營業活動產生之現金淨額)大幅減少, 足以證明盤數差吾關減值事, 而係生意真係差左...

睇番d核心資本 & 資本充足比率, 如跟內銀相比, 核心資本比率相約; 但資本充足比率就少了近2% (HSBC核心: 9.4%, 資本充足:10.8%; 建行核心: 9.57%, 資本充足:12.11%)
如果要上中國國際板, 恐怕有機會要增加資本充足比率, 跟內銀睇齊. 還有, 上中國國際板掛牌, 會否進一步攤薄EPS? 仍是未知之數.

另外, 令人擔心的是, 英鎊下跌, 歐洲債務危機, 中東違約等仍困擾住HSBC. 總括而言, 現價HK$80是不具防守性. 但有幾點要注意, HSBC始終是香港人的愛股, 總有很多FANS支持, 股價未必跌得去邊, 另外, 筆者的分析沒有考慮HSBC的P/B, 2009年HSBC的P/B是1.5X, 如只看P/B, 又吾算太貴, 所以請各位自行分析.

中國移動:-

2010年2月初, 筆者寫了篇<<兵凶戰危2>>, 當時, 筆者已清了大部分倉位, 包括941. 這是一個忍痛的決定, 可能跟這支股票無緣, HK$85買第一注, 便遇上金融風暴, 坐艇...HK$75買第二注, 卻遇上歐豬危機, 結果兩注都在HK$75沽清, 第二注吾駛蝕, 至於第一注, 就好彩高位放左HSBC, 夠冚有凸...誰不知941這幾天升了不少, 早知便放遲幾日...

入番正題, 筆者對941的2009年業績有點悲觀, 原先估計會跟去年相若, 但現在覺得有可能會倒退0-10%左右, 理由是折舊/promotion將大增, 毛利率亦有可能下降, 因競爭激烈, 而941的TD-固網電話業務可能會拖低毛利率.

今日有兩個傳聞, 第一個是941入股浦發銀行, 有報導指941將通過投資浦發銀行擴展移動電子商務業務. 筆者估計可能會是一種手機付款系統, 將來可以用手機當八達通比錢, 甚至可轉帳過數去其他銀行戶口. 這個巿場相當龐大, 據最世博會有示範睇.

第二個傳聞是. 有報導指, 發改委體制改革產業研究室主任史煒認為，號碼攜帶政策可能在今年上半年正式試點，首步可能為單向號碼攜帶，以此非對稱管制解決固網商乏力在移動領域發展的問題. 筆者上網了解過(吾知岩吾岩), 所謂"單向號碼攜帶" 即 "帶NUMBER過台" 仲要係只準帶NUMBER離開中移動, 卻不能帶NUMBER入中移動...

如果傳聞成事, 相信對941有很大的衝擊.........!! 筆者有時番內地工作, 問過D同事, 佢地D人脈網絡可能較廣, 所以吾相改NUMBER, 免得麻煩要通知甘多人. 所以才局住要用941. 如果"單向號碼攜帶"實施, 相信941的上客量會急跌. 慶幸的是, "單向號碼攜帶"其實講左好耐, 但始終未成事.

不過, 筆者始終很喜歡941, 最近941的手機電視有D聲氣, 世博又越來越近, 都利好941. 等埋佢出業績, 筆者不排除會掛個靚價再買941.

自<<先斬跛腳馬>>一文, 筆者對HSBC的2009年盈利有所戒備, 並沽出大部分HSBC (只餘下供股部份). 剛看了HSBC的業績簡報, 果然一如預期, 甚至可說是比想像中差得多. 單看純利, 原先估計應有US$70-100億, 但現在只有US$58億, 較08年只上升了2%…如果睇埋每股盈利, 仲得人驚, 只有US$0.34, 較08年倒退17%…吾知邊個分析員仲話業績有驚喜? 睇來他講對了一半, 只有驚, 無喜!

再睇番各地的盈利貢獻, 北美尚未止血; 歐洲, 中東及拉美均有大幅度倒退. 之前睇得最淡的大摩, 都估HSBC的EPS有增長, 但事與願違, HSBC的EPS錄得倒退, 睇怕對股價有一定影響. 以EPS = US$0.34, ~HK$2.65, 以今日收巿兵HK$86.6來計, 即09年P/E若32X...慶幸的是, 09年P/B應該是1.5X. 平與貴請自行衡量.

再睇番資本充足比率, 核心只有9.4%, 一級只有10.8%; 跟內銀完全無得fight, 甚至比恆生還要差. 而且, 這個比率, 如果歐洲有乜事, 分分鐘有集資壓力.

最後想補充一句, 紀勤係咪有問題? 明知業績甘差, 仲加bonus? 最抵死就係, 有傳聞話佢會將d bonus 捐哂佢…做善事係岩, 但你既然吾要d bonus, 不如留番來派息比我地依d 小股東咪好law, 等我地選擇做吾做善事ma, 依家你d 業績甘差, 仲攞我地d錢亂花, 你係咪吾想撈呀?

筆者於1月22日寫了<<兵凶戰危>>一文, 恒指終於穿了20,000. 不過, 局勢發展至今, 跟筆者心中預期有點出入, 現綜合好淡理據, 再作分析:

利淡:-
1) 技術走勢, 大家應該聽吾少, 幾日前, 死亡交叉乍現(50天跌穿100天), 200天線失守, 加上頭肩頂趨勢看似成立(週四反彈升吾頸線)等. 由於筆者不懂技術分析, 所以綜合幾位技術派分析員的看法, 恆指應會跌至18,600左右. 巧合地, 250天線在附近, 可能會是一個支持位.

2) 歐洲5豬的債務危機正在升溫, 可憐的是筆者獲得的資訊也是少之又少. 據聞, 葡萄牙跟西班牙最近一批債券發售反應差, 但筆者上網search, 也找不到這批債券的規模如何, 銷售反應如何不理想. 僅僅知道葡萄牙那批新債的規模僅3億歐元. 如果按經濟規模估計, 西班牙約是葡萄牙的6倍, 斷估西班牙的新債規模也許是18億左右. 20億算不上甚麼大錢, 但為何無人問津? 是否歐洲各國已無力施出援手?

3) 斷估歐洲的債務危機應該比杜拜事件更麻煩, 當初爆出杜拜事件, 投資者都會怕火燒連環船; 為甚麼今次d人吾驚? 陰謀論講句, 會吾會係d歐洲政府刻意隱瞞今次債務危機的嚴重性?

4) 雖然連債王格羅斯都相信, 歐盟不會讓歐洲五豬燒熟, 一定會出手相救, 連IMF都作好準備介入. 但回想當年杜拜事件, 吾到最後一刻, d人都吾會出手, 相信今次都會係甘, 即係仲有排要驚. 此外, 國債吾爆0者, 甘公司債會吾會爆呢? 非歐盟成員的國債又會吾會爆呢? 環有, 歐盟亦可以踢希臘出group, 見死不救. 如果這場債災的恐慌情緒再一次吹向英國跟日本, 到時殺傷力可以很大.

5) 睇番香港d股票, 究竟HSBC, 內銀有無 "high" 到歐洲五豬d國債, 如果有, 到時可以好驚, 因為撥備將大於我們的預期.

6) 雖然港股的歷史息率>3%, 處於安全水平, 但隨著內地要求內銀等提高資本充足比率, 內銀會否削派息呢? 941則需要預要資金作收購及發展3G, 又會否削派息? 由於這幾隻是權重股, 若削派息的話, 恆指2009年的息率將會下跌, 到時會否跌至2.6%的崩盤水平呢?

7) 最近, 中美關係有惡化跡象, 先有谷歌事件, 繼而美向台售武; 老美向中國的輪胎徵稅, 中中國還拖向老美D雞徵稅, 結果老美又向中國D絲帶徵稅. 看似沒完沒了, 睇來遲下會有更多的制裁射來射去, 這勢必影響雙方的出口. 最近中國的貿易順差下跌, 會否就是貿易戰的序幕呢?

8) 股債向下, 樓巿怎可獨善其身? 筆者自問對樓巿毫無認識, 但直覺覺得樓巿有點熱. 不少樓價已升逾97水平, 最近有間公屋賣百幾萬, 吾係掛, 我情願買新界樓. 如果樓價挫10%, 相信便會引發筆者所擔心的 "火燒連環船".

利好:-
1) 就算頭肩頂成立, 量度跌幅也只不過是18600, 跌極有限. 至於死亡交叉, 雖然出現會有震盪, 但綜合過往的死亡交叉, 吾係次次都會跌鑊甘, 只有在息率<2.6%, inverted yield curve 出現, p/e 過高的情況下, 殺傷力才驚人. 依家息率>3%, 屬安全水平; 2009年p/e將會下降, 而且inverted yield curve未出現過. 由於幾項散貨指標吾agree, 大巿應不至於崩盤.

2) 歐洲央行吾會坐視不理, 一定會出手相救.

3) 筆者之前預期就算無債災, 恆指應該會到18600左右, 如果有債災, 後果難以估計; 結果是, "事與願違" 大巿一直於20000有強力支持, 就算傳出債災, 也只是僅僅穿了20000, 但成交吾算多, VIX指數只是在26-28的水平. 歐洲三大指數有喘定的跡象, 連杜指週五都倒升, 穿住10000關, 這點筆者大感疑惑...

4) 綜觀港股, 不少國企股都十分便宜, 如內銀, 石油, 電訊等, 的確, 下跌空間有限, 再跌就是海嘯價了.

兵凶戰危, 筆者維持原判, 會繼續觀望. 暫不會買賣.

工商銀行(1398)之盈喜:-
雖然工行發盈喜, 估計09年盈利有15%增長. 但筆者認為吾止.

08年Q4的利潤, 大約是17.3B (110.8B - 92.7B);
而工行09年Q1至Q3的盈利是100.5B

如果以09年Q1至Q3 + 08年Q4作預測, 那全年盈利是128.3B (增長是15.8%)
不過09年Q4會賺得少過08年Q4? 想信不會. 因為09年Q4吾駛點撥備. 且經營環境轉好.

所以筆者保守估計, 工行09年Q4可賺33B. 全年盈利有133.5B. (增長達20%)
樂觀點看, Q4放貸多了, 斷估Q4會賺得比Q3多. 故全年純利應 > 133.5B.

姑且看看筆者估得準吾準.

兵凶戰危, 臨崖勒馬. 睇來今次調整吾簡單, 幸好上次堅持分段吸納, 才不至於動用太多現金.

筆者強調自己是不懂技術分析, 且帶有偏見, 但睇番恆指幅圖, 睇怕50天線快將跌穿100天線. 死亡交叉乍現, 也許殺傷力會很驚人. 自己憑直覺估計, 可能會由高位調整20-30%. 也就是筆者之前心目中的深度調整. 若由23,000計起, 可能會調至16000-18000. 當然, 這只是筆者隨口up, 沒有根據的.

既然依家兵凶戰危, 筆者選擇先避其鋒, 筆者繼續減持股票 及 部分基金倉位. 現金水平約40%. 股票倉位接近0.

如果股巿真係甘邪, 等我一出貨就升, 其實都無所謂, 因為仲有6成貨, 頂多賺少d. 但如果股巿繼續尋底, 筆者就可以有較多子彈入巿. 自問6:4是較恰當的比例.

總結而言, 筆者希望今次個巿真的跌得落, 而自己打算於19,000水平考慮再吸納. 再補充一句, 大跌巿時吸貨是價值投資的法則, 但前題是股票真的夠平便 及 你口袋有錢, 祝各位戰友順利.

最近, 雖然心目中的深度調整尚未出現, 亦可能不會出現. 但個別板塊的估值開始吸引, 睇來筆者都係時候學清兵咁, 心口掛個勇字. 

自杜拜事件, 筆者減持了部分股份, 主要是HSBC跟A50. 當時的沽出價分別是$88 & $14.26. 筆者相信短期內, 依兩隻野都吾高得去邊. 之前沽掉HSBC跟A50等, 組合現金水平是30%, 依家正好掛番個靚價. 

於"先斬跛腳馬 (updated as at 29 Nov 2009)" 一文中, 筆者已說明了HSBC可能已暫時見了頂, 09年的業績應該回復吾到07年的水平. 現價有點偏高...當然, 過多一兩年後, 盈利應可追番上來.

講開HSBC, 真令人氣憤, 依幾日睇報紙見到老美話徵收D咩"危機責任稅", 有無搞錯呀, HSBC都無接你地班喫弟D援助, 收咩稅呀, 吾好去搶? 所謂民主自由的國家, 原來係甘.

不說HSBC了, 放棄A50並非代表筆者看淡中國. 相反, 筆者對中國的前景很有信心, 只是, A股整體而言P/E高了點, 筆者對此有保留. 所以將目標鎖定部分H股.

今次的調整, 筆者的打主依舊是939, 1398 跟941. 內銀股好耐都無試過甘低, 杜拜事件都煮佢吾死, 估吾到加存款準備金會有甘大回響. 就像工行, 好耐都未試過跌穿$6.
筆者在前幾篇文章粗略估計過, 1398應有20-30%增長; 939則有0-10%增長. 941則跟去年相若, 甚至有輕微倒退, 現價抵吾抵買? 請自行決定.

此外, 筆者會繼續積極追蹤石油股跟水泥股. 而最近, 筆者開始對內房股有點興趣, 我坦然承認我不懂分析房地產股, 所以要等個靚價先會出手.  

此外, 筆者不會排除大巿會繼續調整, 甚至跌穿20,000. 所以一定會分段, 尤其會留番一注錢吸941, 慎防佢再跌穿$70, 到時無錢掃貨. 畢竟3G是剛起步, 但過多一兩年就可進入收成期. 過埋世博, TD就極有可能打響名堂.

題外話:-

前幾期的 imoney, 主編提出甚麼計分決策制, 聽落幾新鮮, 但我很懷疑他有甘多套理論, 互相抵觸時, 佢會信邊套? 筆者想提出的是, 投資之道貴精不貴多, 有時堅守幾個大原則, 已可賺大錢. 筆者的大原則很簡單:
1) 投資經濟起飛的地區
2) 投資好公司
3) 買得平

吾知大家又有無一些投資心德 或 心水股票想跟大家分享呢? 不嫌棄的話請留個言.

新年進步!

祝各位身體健康, 財源廣進, 香港繁榮!

踏入2010年, 筆者為環球巿場作了個小小的分析. 跟據morningstar的資料顯示, 股票基金一年來的回報排名如下:-

俄羅斯à巴西/拉美à印尼à印度à中國àBRICàAsiaàMining

以上基金於2009年回報超過100%

回報算是非常可觀, 但看基金不能只看一年, 如果看近三年的回報, 排名如下:-

中國à印尼à巴西à印度à香港à亞洲

以上基金近三年以來的 “平均年回報” 均>10%

三年平均年回報是正數的話, 也就意味著持貨三年, 就算經歷金融海嘯, 仍然有錢賺. 所以現在看三年平均年回報是十分重要.

就像俄羅斯, 雖然2009年升幅驚人, 但三年平均年回報是負數, 也就是說俄羅斯基金仍未平掉金融海嘯的虧損.

由以上排名看來, 巴西似乎是BRIC最具抗跌力的, 這也難怪, 巴西天然資源豐富, 有石油/鐵礦; 巴西有旅遊業, 農業. 而且巴西內需強勁, 唯一筆者看不通是, 巴西的GDP增長是BRIC中最低的.

這也只筆者遲遲不出手的原因, 但正因如此, 筆者在接近低位時撈了些巴西基金, 為筆者的組合進帳不少, 這算是個幸運.

而最令人意想不到的是, 印尼竟然榜上有名.

另外, 比較股票基金與債券基金的回報, 一年回報絕對跑輸給股票基金. 而三年回報方面, 相信最top的20-30隻股票基金近最top的20-30隻債券基金相約. 也就意味著, 即使金融海嘯, 只要投資較長線, 股票基金依然經得起風浪. 如果對比埋近10年的回報, 最top的股票基金一定跑贏最top的債券基金. 以上證明了西格爾的分析是正確的, 長線投資股票勝過債券, 即使有股災.

值得一提的是, 債券基金中有一隻筆者是有興趣的, 就是鄧普頓的總回報基金. 以前有隻荷銀新興巿債場債券, 不過自基金經理離開後, 筆者也沽掉了.

再睇睇一些對沖基金, 有隻Man AHL Diversified Futures, 是非常受歡迎的, 筆者也曾經考慮過, 可惜入場費太高而卻步了. Man這隻基金, 2009年錄得負回報, 對比起股票基金而言, 實在有點失色. 但這樣比較有點不公平, 因為Man基金在2008年無跌過, 抗跌力驚人.

睇番三年回報, 其實Man基金跟鄧普頓的總回報基金相約, 如果論波幅, 鄧普頓較低.

2010年, 筆者的基金倉主打依然是Mining, 印, 巴, 俄. 中國方面買H股便成. 筆者的正面觀察名單如下:-

安本新興巿場股票

鄧普頓總回報基金

以上純粹個人投資檢討, 並非建議各位買賣, 投資是個人決定, 請自行衡量.

941榮登最差藍籌股之首, 對筆者來說, 諷刺至極. 但最近中移動夾著風雲再起之勢, 由低位反彈近10%. 究竟是假突破還, 是藍燈籠, 還是真正風雲再起? 筆者也不知道. 有分析員指中移動升係因為張春江被罷免?! 吾係FA…!

如果要解釋, 筆者算是有個想法. 雖然941的11月份的上客量再度下滑, 但筆者猜想是因為TD手機不足, 部份地方出現缺貨情況, 所以3G上客量下滑, 但想信情況將會改善. 最近, 941有數個利好因素出現, 如941進軍無線固網電話業務. 搶了中電信不少固網客; 另一方面, 941正開始涉足寛頻業務, 盈利增長有了新的起點.

而筆者最感興趣的是 “物聯網”. 雖然筆者認知不深, 以我理解, 是以網絡將物件連繫起來, 以實現遙距控制, 管理, 監察物件. 例如, 遲下可以用手機控制開關家電. 又例如, 香港每一部車行到哪都可以追蹤到, 哪處爆水管可以立刻知道, 可以立刻關掉水掣. 當然, 聽起來的確商機無限, 尤其是中國人多, 物聯網的應用可以很廣泛, 不過, 商機能否轉化為利潤, 還有待觀察.

終於考完試, 筆者回復番自由身. 夾著嚴寒, 熊軍伺機攻至. 提早跟我們慶祝聖誕. 不打緊, 自杜拜事件後, 筆者斬掉HSBC 跟 A50, 等的就是這一刻, 來吧, 大把子彈等住你.

上次有網友認為我紹介的專欄作者無料, 不打緊, 但筆者想指出的是, 有部份的專欄是應該"間吾中"要睇下, 因為偶爾總會有令你"靈光一閃"的時侯. 今日要引述的, 正曾教授的文章: "...滙控零成本 升跌冇感覺 - 長期以來，我喜歡在股價升上數倍之後賣掉部份股票，取回全部已投入的資金，然後，剩餘的股票就等於是零成本了。不必成本的股票就可以持有非常多年，不論股價升或跌都不會有感覺。

筆者覺得這是一個可取的操作, 股票零成本, 長渣就倍感安心, 亦可襟得起巨利的誘惑.
將來筆者會將此納入"投資框架"中, 所以今天要先紀錄在案.

另外, 還有幾項想提一提, 之前徐潤民創左個口號, 筆者都搞番個先: "掃貨勿心急, 跌定慢慢執". 自HSBC低見$33, 依個世界無乜野無可能. 所以跌巿時忍耐是重要的. 當然, 這個技巧需要磨練的, 筆者自問還要努力努力. 所以今次跌巿, 如果吾到心水價, 誓不買入. 如果錯過左, 亦不用灰心, 將來或者可以更低買入. 就當一次訓練. 

上次談及筆者斬掉跛腳馬HSBC, 斬左之後又要揼心, HSBC火速回升至$93...不過, 依幾日個巿又回軟番, 一眾分析員又開始講番杜拜事件對HSBC的影響...實成見好唱好, 見淡唱淡...究竟筆者有無殺錯良民呢? 過多幾個月自有分曉!

今次有幾件事想提一提, 突然興起, 想介紹幾個財經專欄, 第一個生菓報的 "譚紹興" 在筆者眼中, 他算是個有料人物, 偶爾, 他會講點大路D分析, 例如inverted yield curve等, 看畢後你會覺得學到野, 總比一些專欄講下上望幾多幾多, 止蝕幾多幾多來得實際.

第二個想介紹的是 "經濟一周" 的吳方俊. 筆者很喜歡看他的專欄, 因為他會講下世界各地的巿場, 如金磚四國等, 有時亦會將多年的數據拼在一起研究, 如將多年的5月份數據湊在一起, 就會知道一些傳統智慧如 sell in may, 等是不可信的.

第三個想介紹的是"燭有乾坤"的周錡, 雖然現已看不到周小姐的文章, 而且在下對技術分析仍存有偏見. 但筆者很佩服她在金融海嘯時堅持不斷買貨, 最記得她留下一句是: "依家都吾駛點去分析, 遍地平貨..." 希望有機會再看她的文章la.

推介完財經專欄, 又係時講番筆者的愛將中移動(941). 以下是941最近的傳聞:-
RIM擬與中國移動向個人用戶推出黑莓手機
http://chinese.wsj.com/big5/20091208/tec114237.asp?source=UpFeature

TD手機佔七成市場份額
http://big5.ce.cn/cysc/mobile/xw/200912/08/t20091208_19940764.shtml

之前傳聞話中電信會出黑莓, 念住有得鬥下, 點知941都話出, 問你怕未. 依家TD手機甘好賣, 證明941個網多人用. 還有一項是, 傳聞941的11月份的3G上客量已突破4M. 依家941的P/E只有11.3X, 跟兩隻電力股差吾多. 我不覺得中移動值甘少錢!! 如果中移動不幸跌穿$68, 我會再補一劍, 同佢死過. 我吾信兩年後941做吾番紅底股!